Ndoshta shumë prej jush e mbajnë mend programin që trasmetohej vite më parë në Vizion Plus, “Nga e para”. Ky program në atë kohë drejtohej nga Valbona Selimllari e cila bashkë me të gjithë stafin dhe produksionin kishin një qëllim të vetëm: të transformonin/ ndërtonin brenda 7 ditësh një shtëpi ose një apartament të njerëzve që jetonin në kushte të vështira ekonomike.
Ky program ka qenë ndër më të ndjekurit dhe të pëlqyerit duke qenë se kishte në qendër bamirësinë, ndihmën e drejtpërdrejtë ndaj personave në gjendje tepër të vështirë. Vizion Plus ka vendosur që ta rikthejë “Nga e para”, siç vetë ata konfirmojnë në faqen e tyre po me disa ndryshime të vogla. Këtë herë herë programi do të moderohet nga Anila Çela, e cila aktualisht drejton programin e pasdites në këtë televizion.
