Bileta falas për të gjithë koncertet e tyre, në çdo kohë, gjatë gjithë jetës.
Së bashku me bashkëshortin e saj, reperin e njohur Jay Z, Beyonce do jua japë këtë mundësi vetëm nëse ju provoni një dietë ushqimore vegane. Çifti i muzikës është duke bashkëpunuar me një kompani të quajtur “Greenprin Project” dhe së bashku kanë sfiduar njerëzit që të ndryshojnë mënyrën se si ushqehen, të paktën për një javë. Për t’u bërë pjesë e këtij projekti duhet që të provoni “Të hënën pa mish”, ose të zotoheni që të hani të paktën dy vakte në dite vetëm me ushqime vegane. Opsione të tjera përfshijnë që ta ktheni mëngjesin tuaj gjithmonë në një vakt vegan, ose ushqimin që merrni me vete në punë ta keni gjithmonë pa mish ose nënprodukte të tij. Apo thjesht mund të ktheheni në një vegan me kohë të plotë.
