Një mbrëmje për tu harruar për romën e për Edin Dzeko, i ndëshkuar me karton të kuq në minutën e 71' të ndeshjes së Kupës së Italisë me Fiorentina (përfunduar 7-1 për viola) pasi hyri në fushë në fillim të pjesës së dytë në vend të Pastore. Boshnjaku është larguar nga arbitri Manganiello për shkaki të protestave të ashpra të qendërsulmuesit që ankohej për një faull të dyshuar të Veretout ndaj Lorenzo Pellegrini.
Në momentin e kartonit të kuq verdhekuqtë ishin në humbje 4-1. Një karton i kuq, ai për boshnjakun, që ka ngritur polemika në rrjetet sociale për një video ku duket se Dzeko, gjatë protestave, ka pështyrë në drejtim të arbitrit. Imazhet në fakt nuk tregonin asgjë të qartë, por i lënë derën hapur dyshimit, edhe pse dinamika duket sikur e konfirmon mundësinë e gjestit nga ana e lojtarit.
Sigurisht që do të jetë raporti i arbitrit Manganiello që do të qartësojë gjithcka: Dzeko rrezikon një skualifikim të gjatë, duke parë ashpërsinë e protestave, por nëse ka kryer gjestin e të përshtyrit, pezullimi do të ketë kohë natyrisht shumë herë më të gjata.
https://www.youtube.com/watch?v=a84CWZQzKS8
