Menjëherë pas votimit të djeshëm në parlament dhe firmës së Presidentit të Republikës, Prokopis Pavlopulos, ratifikimi u zyrtarizua me botimin në Fletoren Zyrtare, me datë 01/25/2019.
Siç u veprua dhe pas ratifikimit të marrëveshjes nga Shkupi, Greqia do të informojë fqinjët me shënim verbalin e posaçëm duke deklaruar se parlamenti grek votoi në favor të marrëveshjes dhe se procesi vijon me zbatimin e plotë.
Së pari, informohet OKB, udhëheqës të negociatave mes Athinës dhe Shkupit, në vijim për pranimin sipas protokollit të Maqedonisë Veriore tashmë, në NATO.
Pasi të ratifikohen reformat kushtetuese në parlamentin maqedonas, një proces që sipas paktit përfundon pas miratimit të amendamenteve përkatëse nga Athina, atëherë Marrëveshja e Prespës dhe kushtetuta e re në Maqedoninë Veriore do të hyjnë në fuqi në mënyrë të parevokueshme, vendi do të quhet Republika e Maqedonisë Veriore në marrëdhëniet bilaterale si dhe do të njihet nga vendet dhe organizatat ndërkombëtare.
Për fillimin e zbatimit të marrëveshjes do të jepet një afat prej gjashtë muajsh në Maqedoni për të ndaluar përdorimin e simboleve të trashëgimisë së lashtë greke si yllin e Verginas etj.
Krahas kësaj, do të tërhiqet dhe një nga flamujt origjinale maqedonase, jo zyrtar, por i përdorur me simbol yllin maqedonas.
Përsa i përket teksteve shkollore me përmbajtje irredentiste, do të ngrihet një komision të veçantë i cili do të marrë në konsideratë fragmentet me referime të tilla, për zëvendësimin e tyre.
