Një nga personat e shumëkërkuar për laboratorin e heroinës të zbuluar në Has disa muaj më parë është gjetur i vdekur në një banesë në Prishtinë. 48-vjeçari turk Nejdet Cesuroglu ishte shpallur në kërkim nga Prokuroria e Krimeve të Rënda, por burime ende jo zyrtare thonë se ai është gjetur i vdekur në 2 dhjetor 2018 dhe se deri tani ngjarja nuk ishte bërë publike.
Cesuroglu ishte në kërkim si një nga personat që kishin organizuar ngritjen e laboratorit të heroinës në Brenogë të Hasit. Në banesën ku turku u gjet i vdekur, policia kosovare ka gjetur edhe një sasi heroine. Dyshohet se ai është vrarë edhe pse nuk janë ende të qarta rrethanat e vdekjes së tij.
Në kërkim është edhe një turk tjetër i identifikuar si Iskënder Sale, 35 vjeç. Në arrati është edhe ideatori i ngritjes së këtij laboratori në Has, biznesmeni Admir Hoxha. ©LAPSI.al
