Kryeministri grek, Alexis Tsipras e ka konsideruar marrëveshjen e Prespës si historike për Athinën dhe Shkupin, duke theksuar se ratifikimi i saj paraqet obligim patriotik.
Në një intervistë për gazetën greke "Avgi", ai ka akuzuar kryetarin e partisë "Demokracia e Re", Kyriakos Mitsotakis se po mashtron opinionin dhe se po bën flirt me të djathtën ekstreme duke përkrahur politikën e urrejtjes për shkak të përfitimeve gjatë zgjedhjeve në Kuvend.
Ai tha se në secilën shoqëri demokratike qytetarët kanë të drejtë për protesta paqësore.
“Besoj se obligim për secilin është që t’i izolojë grupet ekstreme që përpiqen të manipulojnë me atë protestë dhe ta heqin parrullën e urrejtjes. Mjaft kishim urrejtje qytetare në histori në këtë vit. Ksenofobët duhet hiqen me argumente dhe dialog”, u shpreh Tsipras.
