Kryetarja e LSI-së Monika Kryemadhi, gjatë Komitetit Drejtues Kombëtar të partisë që drejton, është shprehur se ka ardhur koha për revolucion e protesta dhe se nuk duhet pritur më për këtë.
“Dua të bëj një sqarim sa i përket anëtarëve të Komitetit Drejtues që vijnë nga qarqet e tjera jashtë Tiranës.Detyra juaj është se nuk ka më kohë për të pritur, bëhuni gati për zgjedhje të përgjithshme për zgjedhje lokale, për revolucion, për revolta, për protesta, për koncerte për çfarë të doni ju.
Sot nuk ka më asnjë sekondë për të pritur.
Sot kush ka dëshirë që të ketë një jetë më të mirë për fëmijën e tij, kush ka dëshirë që të ketë një punë të paguar për punën që bën, kush ka dëshirë që biznesi i tij mos falimentojë, kush ka dëshirë që të këtë një shëndetësi të barabartë për të gjithë, kush ka dëshirë që të ketë një drejtësi të barabartë, kush ka dëshirë që të ketë një ekonomi të fortë, kush ka dëshirë të këtë infrastrukturë, kush ka dëshirë të ketë një shtet që ti garantojë dhe të ketë një sistem që ti mbrojë, nuk ka më kohë të presë, por të dalë në rrugë, të protestojë në të gjitha mënyrat, nga demokratike, të moderuara dhe kulturore”, tha Kryemadhi.
