Të dielën në Athinë është njoftuar për një protestë kundër marrëveshjes së Prespës me Maqedoninë. Ndër të tjera ajo që bën përshtypje në këtë organizim, lidhet me shpalosjene flamurit gjigant që u hap ditën kur u varros Konstandinos Katcifas, i cili mbeti i vrarë pak kohë më parë në Bularat të Gjirokastrës pas nëj shkëmbimi zjarri me forcat RENEA.
‘Protothema’ shkruan se pritet një pjesëmarrje e gjerë në këtë protestë, ndërsa fakti se i pranishëm do të jetë dhe flamuri i Katcifas është konfirmuar nga organizatorët e tubimit.
Amendamentet që u miratuan në 11 janar ishin pjesë e Marrëveshjes së emrit të firmosur në Prespë qershorin e kaluar midis Athinës dhe Shkupit. Sipas marreveshjes, emri Republika e Maqedonisë ndryshohet në Republika e Maqedonisë së Veriut.
