Ministri në detyrë i Punëve të Jashtme, Ditmir Bushati refuzoi të përgjigjej drejpërdrejt për gabimet që mund të ketë bërë gjatë qëndrimit për më shumë se 5 vjet në këtë post.
“Mund të kem bërë më shumë se një gabim, por periudha e reflektimit nuk ka filluar ende. Të garantoj se do të jete reflektim i plotë” - u shpreh Bushati pas takimit që zhvilloi me homologun e tij holandez në Tiranë.
Emri për shkarkimin e tij u çua dy herë në Presidencë. Herën e parë Meta refuzoi të dekretojë shkarkimin e Bushatit dhe emërimin e zëvendësit të tij, Gent Cakaj. Pas përplasjes në distancë me Metën, Kryeministri vendosi të çojë emrin e tij në Presidencë për ministër të Jashtëm.
