Studentët e fakultetit Juridik vazhdojnë t'i qëndrojnë plotësimit të kërkesave të tyre pavarësisht provokimeve dhe vështirësive që kanë hasur gjatë ditëve të qëndresës.
Së fundmi, ata janë shprehur se kanë marrë një tjetër provokim nga anëtarë të forumit rinor të PS-së, të cilët kanë mbledhur firmat e disa studentëve për të vijuar procesin e mësimit.
Studentët janë shprehur se do të vazhdojnë të qëndrojnë deri në momentin që kërkesat e tyre të plotësohen ashtu si ato i kanë kërkuar, dhe jo në mënyrën si kryeministri dëshiron t'i plotësojë.
“Dje patëm një provokacion të forumit të PS, të cilët morën nismën për një peticion për të mbledhur firmat për të nisur mësimin. Për këtë arsye ne e cilësuam një provokacion. Kemi patur kontakte me pedagogët, presim një deklaratë të tyre, e cila do të jetë pa diskutim pro nesh.Siç është deklaruar edhe në ditët më përpara, ngujimi ynë do të vijojë deri në plotësimin e 9 pikave ashtu siç duam ne të plotësohen dhe jo siç duan ata”, u shpreh një nga studentët.
