Zv.ministrja aktuale dhe Ministrja e dekretuar e Arsimit, Besa Shahini i ka kërkuar studentëve që të mos bllokojnë sekretaritë në mënyrë që të plotësohen listat me emrat e studentëve për tarifat e studimit dhe bursat.
Studentët vazhdojnë të bojkotojnë mësimin pasi kërkesat e tyre nuk janë plotësuar në mënyrën që ata kanë kërkuar.
“Ne kemi mundësuar që përmes portali ‘Shqipëriaqëduam.al’ të kemi një rubrikë që të kthejmë përgjigje për pyetjet tuaj dhe mënyrat si do zbatohen VKM për tarifat. Përveç portalit do ketë një dritare edhe në faqen e Facebook të Ministrisë së Arsimit. Përfaqësues të Ministrisë së Arsimit janë edhe në sekretariate përkatëse dhe sot për t’ju asistuar. Nëpër fakultete ku ka ende protesta është e pamundur që të kemi përfaqësues të Ministrisë për asistimin tuaj. Nëse bllokoni sekretariatet nuk mund të marrim listat për tarifat e studimit dhe bursat”- tha Besa Shahini.
