Një shqiptar është vrarë në një burg në Greqi. Sipas mediave fqinje, shqiptari që ka humbur jetën është Albert Bako.
‘Protothema’ njoftoi se Bako sapo ishte transferuar në burgun e Kardhialos. Sipas gazetës, pas vrasjes së Bakos dyshohet se qëndron një bandë rivale, e cila kishte mësuar transferimin nga burgu Chania.
Shqiptari ishte në burg pasi në nëntor të 2014-s, hapi zjarr në një lokal në Pire të Greqisë, sulm ky që la 14 persona të plagosur. Por emri i tij nuk është i panjohur pasi në bashkëpunim me një person tjetër ai mori pjesë në atentatin ndaj avokatit grek Antonopoulos.
