Temperaturat e ulëta po shkaktojnë disa viktima. Dy persona kanë humbur jetën vetëm gjatë ditës së sotme prej motit të keq.
Në Proptisht të Pogradecit një person është gjetur i pajetë pasi kishte shkuar t’i blinte ushqim familjarëve të tij.
Gjithashtu sot, në afërsi të hyrjes numër 2 të Portit Detar është gjetur i vdekur një endacak. Personi që ka ndërruar jetë quhet Viktor Dhima.
Një tjetër person u gjet i pajetë në hyrje të Qendrës Spitalore Nënë Tereza gjatë ditës së shtunë.
Veçanërisht të pastrehët rrezikohen së tepërmi prej temperaturave të ulëta të këtyre ditëve.
