Ajet Zikollati, 53 vjeç ,nga fshati Selce e Sipërme është viktima e 3 që shënohet nga i ftohti në qarkun e Korçës. Zikollari është nisur me gomarin e tij për të marre ushqime për familjen në Proptisht dhe nuk është kthyer më.
Familjarët e alarmuar u vunë në kërkim te tij duke e gjetur të ngrirë. Burime nga Bashkia e Pogradecit thone se 53 vjecari ka rene nga gomari në përrua, dhe dyshohet te kete humbur jeten nga te ftohtit.
Prej javesh fshatrat e qarkut te Korces mbeten te izoluar duke mos pasur as kushtet minimale. Rasti i Zikollarit që mori rrugën për të ushqyer familjen e tij tregon dukshem nevojën e fshatrave të izoluar per ushqime dhe ilaçe.
