Policia e Shtetit ka reaguar ditën e sotme në lidhje me situatën e motit dhe vështirësitë e shkaktuara në qarkullimin e mjeteve prej borës e ngricave.
Policia i këshillon drejtuesit e mjeteve të përdorin zinxhirë si dhe të rregullojnë shpejtësinë e mjetit.
"Temperaturat e ulta dhe reshjet e dëborës këto ditë të para të janarit, kanë vështirësuar jo pak qarkullimin në disa akse rrugore, sidomos drejt zonave rurale në disa qarqe apo në zonat e thella malore.
Policia e Shtetit këshillon çdo përdorues rruge të bëjë kujdes të shtuar, duke përdorur zinxhirë në rast se nevojiten dhe të rregullojnë shpejtësinë e mjetit.
Në çdo rast emergjencë telefono 112", thuhet në njoftimin e Policisë së Shtetit.
