Zëdhënësja e PD-së Ina Zhupa denoncoi vdekjen në të ftohtë të një personi të pastrehë. I braktisuri i sëmurë ka ndërruar jetë në Tiranë përballë QSUT-së. Sipas saj, Hasan Hykja, 68 vjeç, u nda nga jeta në të ftohtë pasi qendrat sociale nuk e pranonin sepse kishte këmbën e sëmure diabetike.
“Një tmerr i vërtetë, që nuk duhet ta përjetojë asnjë kafshë e jo më një njeri. Propagandë e bukur në TV me qendra sociale duke kërcyer e dhënë ushqim për festat nga mashtruesi Veliaj ndërkohë që njerëzit që kanë nevojë të strehohen në këto ditë të ftohta dimri vdesin rrugëve.
Del e thotë që i ka marrë masat për të pastrehët në këto ditë dimri. Mashtrime si zakonisht, por këto janë lloji që të merr jetën. Vdekjet në ndërgjegjen e Veliajt nuk janë të pakta, por e gjithë çështja është ka apo jo ndërgjegje ky njeri!!!” – shkruan Zhupa. ©LAPSI.al
