Studentët e Shkencave të Natyrës, kanë zgjedhur një formë origjinale për t’i shprehur kryeministrit revoltën e tyre.
Ata i kanë dedikuar kryeministrit Rama një këngë labe shoqëruar me iso. Kjo ndodhi në oborrin e Fakultetit Juridik, ku studentët e FSHF-së hapën me forcë dhe derën kryesore të këtij fakulteti.
Më poshtë vargjet e këngës së protestës së tyre:
Dëgjoni ç'ka thënë i gjati,
na tha ngelësa, na tha qen
herë pengmarrës, herë qorra,
gjë pa thënë nuk na ka lënë.
E na flet për edukatë, i gjati kryeministër
nesër do të na thotë gomerë, kërkon të na vërë kapister.
Jepi Edvin kryetari, një për një të gjithë na shaj
Ne të gjithë jemi fajtorë, vetëm ti nuk paske faj.
S'jemi ngelës s'jemi qen, s'jemi dele siç do ti
për 8 pikat kemi dalë, do ti marrim një për një.
https://www.youtube.com/watch?v=ch8O964khD4
