Jeff Bezos është themeluesi i kompanisë shumë të njohur, ‘Amazon’. Ai është renditur si njeriu më i pasur në botë pas vlerësimit që iu bë kompanisë së tij. Jeff ka katër fëmijë me MacKenzie, por mesa duket, pas 25 vitesh bashkë ato kanë vendosur të ndahen. Këtë lajm e ka dhënë vetë ai në një deklaratë ditën e mërkurë. “Ne duam t’i vëmë njerëzit në dijeni për një ndryshim në jetën tonë. Ashtu si familjarët dhe miqtë e afërt janë në dijeni, pas një periudhe të gjatë bashkë, kemi vendosur të ndahemi dhe të vazhdojmë jetën tonë si miq. Ndihemi shumë me fat që kemi gjetur njëri-tjetrin si dhe për çdo vit që kemi kaluar pranë njëri-tjetrit. Edhe nëse do e dinim që do ndaheshim pas 25 vitesh, gjithsesi do e bënim sërish. Kemi pasur një jetë të mrekullueshme si dy njerëz të martuar dhe shohim një të ardhme të mrekullueshme si miq, prindër, partnerë në projekte të reja dhe si dy individë në kërkim të aventurave. Ne do të vazhdojmë të jemi një familje dhe miq të mirë”. Jeff ka një pasuri që arrin deri në 136 bilionë dollarë nga aksionet në kompaninë e tij.
