Gjatë natës në Tiranë temperaturat kanë qenë të ulëta, si dhe ka patur reshje dëbore. Kontraktorët kanë punuar për pastrimin e saj dhe shpërndarjen e kripës, njofton Autoriteti Rrugor Shqiptar.
Të gjitha akset e mëposhtme qarkullohen me zinxhir.
- Akset Dajtit
- Kruje - Sarisalltik
- Lunik - Stebleve
Në akset e tjera të këtij rajoni qarkullimi kryhet normalisht pa zinxhir.
Për shkak të temperaturave të ulëta gjatë mëngjesit, për përdoruesit e rrugës rekomandohet që të lëvizin me shpejtësi të reduktuar dhe të përdorin gomat e dimrit.
Gjithashtu gjatë lëvizjes duhet të respektojnë sinjalistikën rrugore dhe të ndjekin udhëzimet e Policisë Rrugore.
