Ndërkohë që filmi i saj “Second Act” ka filluar të shfaqet në kinema dhe me siguri pritet të korri sukses, Jennifer Lopez ka zbuluar detaje të reja për marrëdhënien e saj.
Së fundmi në një intervistë për revistën “Grazia”, këngëtarja ka deklaruar se nuk do të kishte një “marrëdhënie të suksesshme” me partnerin e saj Alex Rodriguez nëse do të ishin lidhur kohë më parë. ”Nuk isha gati për marrëdhënie të shëndetshme, sepse kisha nevojë të isha e qetë psikologjikisht, të dija vlerat e vetes dhe të “luftoja” me pasiguritë e mia”- tha ajo për revistën e njohur. Kjo sepse ajo duhet të mësonte të donte veten fillimisht. Ndërkohë, çifti i njohur është pranë përvjetorit të tyre të dytë dhe sikurse raportojnë mediat ata kanë vendosur të marrin një shtëpi më të madhe për familjen e tyre të përzier.
