Studentët kanë mbyllur dyert e fakulteteve me zinxhirë dhe dry ditën e sotme. Ky reagim i tyre ka ardhur si kundërpërgjigje ndaj atyre që i kanë kërcënuar me telefonata apo i kanë vjedhur adresat e profileve të tyre në rrjetet sociale.
Një prej studenteve më aktive gjatë protestës, Vjosana Kokla, është shprehur: "Simboli i mbylljes së portave me zinxhirë ka qenë si shenjë revolte ndaj asaj që ka ndodhur dje në darkë. Shumë studentë janë kërcënuar me telefonata anonime dhe janë bllokuar që të futen në rrjetet e tyre sociale. I them atij që e ka bërë që po lufton në mënyrë shumë të ulët me disa studentë që nuk po kërkojnë gjë tjetër veç të drejtës së tyre. Kemi të drejtën tonë të protestojmë. Studentët nuk janë penguar të hyjnë në mësim, njëra portë ka qenë e hapur, dy janë mbyllur. Studentët kanë rëndë dakord që do të ketë bojkot total. Nuk ka asnjë student që ishte për mësim. Mos të vazhdojnë me kërcënime. Kemi akuzuar pedagogët brenda Fakultetit për korrupsion dhe nuk është bërë asgjë deri më sot. Nuk ka reaguar as dekani, as rektori, as kryeministri".
Sa i takon plotësimit të 8 pikave nga kryeministri, studentja shprehet se do të vazhdojnë të luftojnë për realizimin e tyre.
"Kryeministri thotë se janë plotësuar 8 pikat. Asnjë pikë nuk është plotësuar. I them Kryeministrit se pa rritur buxhetin dhe pa bërë vettingun akademik, do vazhdojmë akoma të luftojmë për ato 8 pika", u shpreh Vjosana.
