Përmes një postimi në Twitter, kryeministri Edi Rama ka reaguar në lidhje me protestën e sotme të studentëve. Mbyllja e dyerve të universiteteve në formë simbolike, duket se Ramës nuk i ka pëlqyer.
Ai e ka quajtur këtë gjest si fytyrën kuptimplotë të pengmarrësve të një proteste shembullore.
"Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për objektivat specifikë të çdo fushe studimesh #MeStudentët", shkruan Rama.
