Policia e Shtetit ka publikuar sot listën e personave të shpallur në kërkim në qarkun e Durrësit, mes të cilëve ka edhe femra.
Në ‘Facebook’, policia i bën apel qytetarëve të denoncojnë nëse kanë informacione të mundshme në lidhje me vendodhjen e tyre.
“Policia e Shtetit fton cilindo që ka dijeni mbi vendndodhjen e tyre të telefonojë Policinë në numrin pa pagesë 112, apo në aplikacionin “Komisariati Dixhital”, duke ju garantuar anonimatin. Ndihmo dhe ti në sigurinë publike”, shkruhet krahas listës, ku për një pjesë të mirë të të kërkuarve është edhe fotoja përkatëse.
