Ariana Grande, nuk di të ndalet! Këngëtarja ka publikuar këngën e saj më të re me titull “Imagine” dhe është një dashuri më vete.
Kënga flet për një histori dashurie që ka përfunduar, por që vajza nuk e ka pranuar ende ndarjen dhe imagjinon sikur të jenë bashkë! Dhe me këtë, fansat janë të bindur se kënga i dedikohet të ndjerit Mac Miller.
Madje, kanë edhe fakte!
Fillimisht, artisti i ndjerë Mac Miller kishte tatuazh në krah titullin e këngës, “Imagine”.
Së dyti, fansat besojnë se këngëtarja është frymëzuar nga vargjet e këngës së Miller “Cinderella”.
“Dhe kur të kesh uri do të të mbyll gojën me ‘stir fry’” – Mac Miller, Cinderella.
“Qëndojmë zgjuar gjithë natën, do të porositësh ‘pad thai’” – Ariana Grande në këngën “Imagine”.
Gjithsesi, ende nuk është konfirmuar nëse kënga i dedikohet Miller, por nuk do të ishte aspak çudi që këngëtarja të jetë frymëzuar nga historitë personale.
