Mimoza Shkodra i la të gjithë ndjekësit e saj pa fjalë gjatë ditës së djeshme, për dy arsye. E para, sepse i mahniti e veshur si nuse me fustanin e bardhë stil princeshash dhe kurorën mbi kokë.
Dhe e dyta nuk po kuptonim se çfarë po ndodhte, pasi Mimoza u shoqërua e kapur dorë për dore me Adrian Gaxhën përpara të ftuarve, të cilët ishin të gjithë këngëtarë shqiptarë. Pasi u mrekulluam dhe ngelëm të habitur në të njëjtën kohë, këngëtarja e njohur shqiptare vendosi që të tregonte të vërtetën dhe të na shuante të gjithëve kuriozitetin.
E pyetur nga redaksia e “iconstyle.al”, Mimoza tregoi se nuk ishte një dasmë e vërtetë, por e gjithë situata ishte sajuar për xhirimet e një programi.
“Është vetëm për xhirimet e Vitit të Ri. Do ta shohin të gjithë në programin që do të shfaqet natën e ndërrimit të viteve ‘Op Op Labi Party’”, tregoi këngëtarja për “iconstyle.al”. Në videon e publikuar ditën e djeshme, Mimoza e veshur si nuse kërcen me të gjithë të ftuarit, ndërsa Shkurte Gashi këndon për të pranishmit!
