Nata e dytë gjysmëfinale e “Këngës Magjike” nisi me një lidhje direkte nga shtëpia e Valbona Selimllarit, e cila kishte mbledhur edhe ish-prezantueset e tjera të festivalit Elia Zaharian, Olta Gixharin si dhe Armina Mevlanin. Gjatë komunikimit me Ardit Gjebrenë, Valbona Selimllari theksoi se ishte shumë me fat që ishte prezantuesja e parë e “Këngës Magjike”, e cila u ngjit në skenë krahas Arditit në vitin 1999.
Ndërkohë që Elia Zaharia, tregoi se menjëherë pas dasmës kishin nisur me përgatitjet e festivalit dhe nuk kishte arritur të pushonte në asnjë moment.
Sakaq, Olta Gixhari në moment të fundit kishte dashur të tërhiqej nga prezantimi.
“Në momentin e fundit, mu mpinë dhëmbët dhe nuk flisja dot. Edhe për tu çliruar këtë gjë që më ndodhi, i futa Arditit një të kafshuar që mbeti shenjë shumë gjatë. Mbarove më the, dil tani! Kaq, pastaj shkëlqeva.” – tregoi Olta.
Ndërsa Armina Mevlani në natën e tretë të spektalit, kujtoi se kishte qarë përpara se të prezantonte.
“Natën e tretë qava..U drithërova mbeta shumë keq, se ishin të gjithë në sallë. Kisha frikë të bëja ndonjë gabim. Nuk e di fillova të qaja që të clirohesha.”- përfundoi Armina Mevlani.
Gjatë lidhjes live me 4 vajzat, Ardit Gjebrea i ftoi t’i bashkohen në prezantim gjatë natës finale dhe sigurisht që ato nuk kishin si të jepnin një përgjigje negative.
