Historia e Juventus-Inter është ajo e polemikave, helmeve, kontradiktave dhe armiqësive. E ajo mbi penalltinë e padhënë në episodin Iuliano-Ronaldo të 26 prillit 1998 është kthyer me saktësi të përpiktë për të ndezur debatin, duke përfshirë edhe arbitrin e ndeshjes, Piero Ceccarini, që këmbëngul se ka marrë vendimin e duhur (për të) duke mos akorduar penalltinë që interistëve i është dukur si një gabim i papranueshëm.
Për Radio Crc, Ceccarini është shprehur: "Faulli i Iulianos. E kam thënë edhe më parë, por ndoshta dikush nuk do të dëgjojë. Së bashku me gazetarin në atë kohë ishin edhe Collovati e Chiesa të cilët sapo ndodhi thanë që nuk ishte penallti. Dua të them se në fushë isha i sigurtë e sot jamë edhe më i bindur në zgjedhjen time. Nëse tek Var do të ishin Collovati e Chiesa nuk do ta kishin dhënë penallti e nuk do ta kishin ndalur lojën. Nëse do ta kisha parë episodin në monitor? Ronaldo shkon tek Iuliano. Nëse për ju është e kundërta, ma thoni ".
https://www.youtube.com/watch?v=SNTHV_cJkRw
