Dhjetë stadiume për të çimentuar një raport miqësie dhe pune ndër vite dhe që kohët e fundit u përforcua me këngën “Il coraggio di andare”.
Laura Pausini e Biagio Antonacci bashkojnë forcat për të realizuar një turne veror në arenat e hapura në Itali, duke nisur nga Bari, më 26 qershor, për të përfunduar më 1 gusht në Cagliari.
Miqësia e dy artistëve, të cilësuar si dyshja fantastike, nis në Festivalin e Sanremos 1993, i pari si “big” i Antonacci-t dhe i pari triumfues i Pausini-t, si një ndër propozimet e reja.
“Jemi si motër e vëlla. Nuk kemi nevojë për shpjegime, i gjendemi pranë njëri-tjetrit si në fitore dhe në humbje. Me të ndihem e mbrojtur”, -tha këngëtarja.
Kanë shkruar këngë për njëri-tjetrin, si “Tra te e il mare”, “Vivimi”, “Lato destro del curre”, “Sei”, “Se tornerai” apo “L’amore comporta”.
“Do të jetë një spektakël plot lumturi dhe jetë. Të japësh, do të jetë fjala kyç”, -tha Antonacci.
