Ai është njohur gjithnjë si Wolverine dhe ka luajtur rolin e famshëm për 18 vjet, por Hugh Jackman nuk ishte zgjedhja e parë për këtë rol në filmin “X-Men”.
Duke folur për “Aussies” të mërkurën, Hugh tha se iu ofrua roli pasi aktori skocez Dougray Scott u detyrua të tërhiqej për shkak të angazhimeve të tij me filmin “Mission Impossible: 2”.
Para fillimit të xhirimeve për “X-Men”, Hugh u përball me Dougray, 53 vjeç, në hapjen e Fox Studios në Sydney, duke çuar në një moment tepër të vështirë për të dy.
“Ai erdhi më pas dhe unë i thashë, ‘shoku më vjen shumë keq’. dhe ai tha, ‘shoku nuk ka të bëjë me ty’. Ky është një rol fantastik, shko dhe digje. Do të jesh i mrekullueshëm”.
50-vjeçari Hugh shtoi se ai gjithmonë e ka menduar Dougray-n një aktot klasikësh.
Dougray më vonë zbuloi se ai e refuzoi rolin e Wolverine-s tri herë pasi ‘nuk donte ta bënte’.
Ai përfundimisht e pranoi rolin, por për shkak se xhirimet për “Mission Impossible: 2” binin ndesh me orarin e xhirimeve për “X-Man”, roli iu ofrua Hugh Jackman.
