Ricky Jay magjistari dhe aktori amerikan ka ndërruar jetë nga shkaqe natyrore teksa ndodhej në Los Angeles. Lajmin për mediat, ka konfirmuar menaxheri i tij ditën e sotme.
Ai njihej si një nga artistët më të talentuar dhe kishte aftësi të linte në hije edhe magjistarët më të suksesshëm.
Jay gjithashtu ka luajtur në filmat e njohur si: “Boogie Nights”, “Magnolia” dhe “Tomorrow Never Dies”.
Emri i tij i lindjes është Richard Jay Potash dhe ka lindur në Brooklyn, por Jay nuk ka folur asnjëherë publikisht për fëmijërinë e tij. Madje as data e saktë e lindjes së Jay nuk dihet dhe mendohet të jetë mes viteve 1946-1948.
Aktori ka performuar për herë të parë në publik në moshën 4-vjeçare dhe luajti në një numër komedish.
