Barazimi i arritur në minutën e 94' kundër Milan e mban Lazio në vendin e katërt, por duke parë emergjencën kuqezi bardhekaltrit duhet të bënin pikë të plota. Ishte pikërisht ky fakt që ndonëse duhet ta linte të kënaqur teknikun e Lazios, Simone Inzaghi, e ka bërë nervoz dhe të pëkanqur me atë që mori skuadra e tij, që deri në fund ishte duke u mundur: "Donim të fitonim - pranoi Inzaghi -, por si erdhën gjërat të paktën morëm barazimin.Keqardhje sepse pësuam një gol me devijim dhe si luajtëm do ta meritonim fitoren".
https://cdnja.r.worldssl.net/mp4/k0/k07A.mp4
Karton i kuq në fund për teknikun Lazios nga arbitri Banti: "Nuk e kuptova, pastaj më thanë që kisha dalë nga zona teknike. Isha nervoz, më vinte keq të humbisja një ndeshje të tillë".
Një barazim, që pavarësisht se mes shumë mungesash e në transfertë, e ka dëshpëruar teknikun e Milan, Gennaro Gattuso: “Mund të ndodhë edhe kështu. Në ato momente diferencën e bëri Acerbi që fizikisht na vuri në vështirësi, por nuk është keq. Shohim përpara me shpresën të rikuperojmë ndonjë lojtar”.
Milan mbetet në vendin e pestë me 22 pikë, një më pak se Lazio, që do të kalonte në rast fitore, duke marrë për herë të parë në këtë sezon vendin e katërt, që është edhe objektivi i kuqezinjve ...
