Veshja e saj në koncertin recital që mbajti në Tiranë, i bëri të gjithë të dyshojnë se këngëtarja shqiptare Anxhela Peristeri mund të jetë në pritje të ëmbël.
Anxhela kishte zgjedhur një xhaketë me palë në pjesën e barkut që na bëri të gjithëve të mendojmë se po fshihte diçka. Por këngëtarja tregoi sot se nuk ka asnjë arsye të fshehë barkun sepse nuk është shtatzënë.
Anxhela falenderoi ndjekësit për urimet por konfirmoi “me keqardhje” në një postim në Instagram se ka shtuar disa kilogramë më shumë:
“Faleminderit për bekimet që më keni dhënë për komentet tuaja për ‘shtatzëni’, por me keqardhje ju them se nuk jam shtatzënë, thjesht kam disa kilogramë plus. Nuk kam arsye ta fsheh, sepse është diçka që me kalimin e kohës duket, kështu që mos kini asnjë dyshim për këtë që po u them!”, – ka shkruar këngëtarja.
