David Ginola, ish-ylli i Tottenham e Neëcastle United i detyron jetën ndihmës së shpejtë në fushën e lojës dhe defibrilatorit që i lejoi të qendronte në jetë, pavarësisht një ataku kardiak. Historinë e francezit e ka publikuar Mirror.
Drama është rrëfyer në detajet më të vogla. Ginola ka qenë klinikisht i vdekur për 8 minuta të gjata, pas një ataku kardiak që e goditi gjatë një ndeshje bamirësie në maj të 2016. Nëse është ende në jetë është sepse defibrilatori i ka dhënë mundësinë të mbante aktive funksionet cerebrali. Një zbulim që vjen dy javë pas dramës së Glenn Hoddle, që është ndjerë keq në studiot e BT sport, pak para transmetimit.
Ginola ka folur për eksperiencën e tij: “Mu duk sikur po më binte të fikët dhe pastaj u shemba përtokë. Ishte një situatë shumë e frikshme sepse nuk pata asnjë shenjë”. Francezi kishte pushuar së marri frymë dhe kishte gëlltitur edhe gjuhën. “Dikush në fushën e lojës, falë Zotit, ishte në gjendje të përdorte CPR, por në 15 persona, vetëm dy ishin në gjendje ta bënin. Por pikërisht ata të dy më shpëtuan jetën”.
