Rezart Veleshnja nuk i ka kursyer aspak kritikat që ka për drejtorin e Teatrit Komëbtar, Hervin Çuli.
I ftuar sot në emisionin “Rreze Dielli” në “Report TV”, Veleshnja u shpreh se nëse do të paguhej mirë, drejtori i Teatrit nuk do të pinte dhe teatri nuk do të ishte si i dehur.
Ai tha se rroga 800-1 milion lekë që mund të marrë Çuli nuk i del dhe normalisht puna e tij do të jetë zero.
“Teatri këtu tek ne nuk funksionoi kurrë më që kur mbaruam ne shkollën. Është një teatër që më shumë merren me llafe, kam përshtypjen unë. Merren me intriga dhe nuk merren me punën. Do merren me fjalë se pagat janë qesharake. Më vjen shumë keq, por të tallesh me një aktor teatri, se edhe unë po të isha, me llafe do merresha se nuk do kisha çfarë të bëja. Sa mirë do ishte që një aktor teatri që luan “Shakespeare” të paguhej 6 mln lekë.
Po ta kishte rrogën 6 mln lekë drejtori i teatrit, në radhë të parë nuk do pinte dhe teatri nuk do ishte si i dehur, por do ishte një teatër normal, se do t’i bënte hyzmetin asaj rroge. Mbase nga hallet pi se me 800 mijë lekë, 1 mln lekë çfarë mund të bësh. Plus që drejtori i TK për aq kohë sa ka qenë dhe është, mua më vjen keq, se as nuk e njoh, por puna është zero. Është si të thuash, ka qenë kryetar bashkie Lulzim Basha, është edhe Erion Veliaj. Ai është si Lulzim Basha, që ka fjetur gjithë kohës”, shprehet Veleshnja.
