Ish-zonja e parë e Shteteve të Bashkuara të Amerikës, do të publikojë javën e ardhshme librin e saj autobiografik të titulluar “Becoming”.
Ndër të tjera Michelle Obama diskuton në libër antipatinë e saj për presidentin Donald Trump, dhe siç shprehet ajo, kjo jo për arsye politike apo se ai është kundërshtari politik i të shoqit por sepse ka gënjyer në lidhje me dhënat personale të familjes së saj. “E gjithë kjo histori ishte e furishme, ishte për të nxitur kaos dhe tregoi një frymë ksenofobie. Po nëse dikush shumë nacionalist do merrte armën dhe do të vinte në Uashington? Po nëse dikush u vihet pas vajzave të mia pas atyre që ka thënë Trump? Ai ka folur në menyrë të pamatur, ka rrezikuar statusin e familjes dhe për këtë nuk do e fal kurrë”- është shprehur Michelle.
