Napoli bën gabimin në shtëpi, në ndeshjen kundër Romës dhe kompromenton keq renditjen, me Juventus që shkëputet fort, pas javës së 10. Gjashtë janë pikët e diferencës me bardhezinjtë, e këtë herë fajin e ka Roma. Në San Paolo verdhekuqtë i shkaktuan probleme të mëdha Carlo Ancelotti, që nga kohët e Romës ka vetëm kujtime të mira, me përjashtim të mbrëmjes së sotme dhe golit të El Sharaawy.
https://cdnja.r.worldssl.net/mp4/2g/2gEp.mp4
Faraoni realizoi pas 14 minutash, duke ia bërë ndeshjen në ngjitje Napolit, që i provoi të gjitha për të barazuar, pa mundur të kalonte barrierën romane. Vetëm në minutën e 89 Mertens ka sigluar barazimin, duke ndjekur aksionin e gjatë, ku meritë të madhe ka Insigne me një kthesë që befasoi gjithë mbrojtjen e Di Francescos.
https://cdnja.r.worldssl.net/mp4/we/we7L.mp4
Në ndeshjet e tjera spikat fitorja e Milan, 3-2 përballë Sampdorias. Pas rrëzimit në Europa League, skuadra e Gattuso jep sinjalin që priste tekniku me golat e Cutrone, Higuain e Suso. Sukses i rëndësishëm në zonën e ftohtë të renditjes nga Frosinone, që shkatërron Spal në transfertë, ndërsa dy barazimet e javës kanë rezultatin 2-2 fiksuar në sfidat Sassuolo-Bologna dhe Genoa-Udinese.
REZULTATET
Italy - Serie A
Sassuolo 2 - 2 Bologna
Cagliari 2 - 1 Chievo
Genoa 2 - 2 Udinese
SPAL 0 - 3 Frosinone
Milan 3 - 2 Sampdoria
Napoli 1 - 1 Roma
RENDITJA
1 Juventus 28
2 Napoli 22
3 Inter 19
4 Lazio 18
5 Fiorentina 15
6 Sampdoria 15
7 Milan 15
8 Roma 15
9 Sassuolo 15
10 Torino 14
11 Genoa 14
12 Parma 13
13 Cagliari 13
14 SPAL 12
15 Atalanta 12
16 Bologna 9
17 Udinese 9
18 Empoli 6
19 Frosinone 5
20 Chievo -1
