Koha e keqe kthehet të jetë protagoniste. Reshjet e shirave kanë goditur fort pothuaj të gjithë Italinë, por stuhi të vërteta parashikohen në natën mes të shtunës e të dielës, me mundësi shiu të furishëm edhe të hënën. Si rrjedhojë, nuk përjashtohen shtyrje të ndeshjeve të Serie A.
Për momentin, ndeshja që konsiderohet më tepër në risk është Genoa-Udinese, në program nesër pasdite në orën 15.00 në Marassi. Në Liguria, kulmi i reshjeve duhet të verifikohet këtë mbrëmje. Alarmi për motin e keq është evident dhe parashikimet janë që pikërisht në startin e ndeshjes mes kuqebluve të Juric e friulanëve situata të precipitojë.
Edhe ndeshja e fundit e javës, ajo e të hënës Lazio-Inter, që nis në orën 20.30, mund të ketë pasoja për shkak të kohës së keqe, në rast gjithnjë se në Romë do të bjerë shumë shi.
