Pavarësisht një humbje kundër Juventus që e certifikon United jashtë mundësive për të konkuruar me rivalët e mëdhenj, Mourinho nuk është ankuar në konferencën për shtyp, duke preferuar të lëvdojë më tepër Bonucci e Chiellini, se sa të merrej me të tijtë, që u masakruan ndërkohë nga opinionistët si Ferdinand e Scholes. Vetëm se pas qetësisë së Mourinho ka një kërcënim dhe sipas The Sun, është mundësia e vetme për të mbajtur pankinën.
Shoë mediatik i vazhdueshëm i portugezit e ka nervozuar familjen Glazer, që ka dhënë një ultimatum për teknikun. Mjaft me skena, sidomos para gazetarëve. Nuk ka më konferenca për shtyp teatrale, por mbi të gjitha jo më polemika, as me futbollistët e tij e as me ata që e kritikojnë në media. The Sun sqaron se durimi i pronarëve ka mbërritur në fund, kështu që shenja më e vogël që mund ti prishë imazhin global United nuk do të tolerohet.
Për Special One, që vazhdon të jetë në qendër të ciklonit, nuk është e lehtë të administrohet. Vetëm në dy ndeshjet e fundit kanë ardhur zënkat me asistentin e Sarri në Stamford Bridge e pastaj shenja me tre gishta ndaj tifozëve të Juventus. Ka rënë në stil sipas Glazer, me pasoja të rrezikshme.
