Reperi i njohur Arkimed Lushaj, apo siç njihet ndryshe ‘Stresi’, prej një jave ndodhet pas hekurave, pasi u arrestua nga policia si pjesë e një grupi kriminal në fushën e trafikut të narkotikëve dhe krimeve kundër personit.
Por edhe pse në qeli, Stresi është bërë i gjallë në rrjetet sociale duke postuar arritjen e fundit në karrierën artistike.
Bëhet fjalë për arritjen e 1 milion klikimeve me këngën e nxjerrë së fundi në festivalin “Kënga Magjike” kushtuar nënës së tij “Të du mom”.
Por si është e vërteta e këtij postimi?
Menaxheri i njohur i Stresit, Anestezion Bekteshi ka folur për Panorama dhe ka sqaruar se ai është autor i postimeve dhe tregon se menaxhimin e rrjeteve sociale të reperit ka vite që e bën.
“Çdo herë jam kujdesur për rrjetet sociale të Arkimedit shumë herët, unë kam qenë ai që e ka ndihmuar dhe kur i vodhën llogarinë që ja riktheva sërish. Kam shumë vite që menaxhoj rrjetet sociale të tij. Mediat sot e kanë keq interpretuar postimin e tij”, tha ai.
