Aktorja amerikane Selma Blair ka zbuluar me anë të një postimi në Instagram se vuan nga skleroza e shumëfishtë.
46-vjeçarja tha se u diagnostikua me këtë sëmundje në gusht, ndërkohë që ka pasur simptoma prej vitesh.
“Unë jam bërë person me aftësi të kufizuara, ndonjëherë bie”, shkruajti ajo, duke shtuar se iu duk lajm “tronditës në fillim”.
Skleroza e shumëfishtë sëmundje e rëndë e njeriut, në sistemin nervor, e cila paraqitet me ankesa dhe dhimbje të ndryshme, të cilat vijnë kohë pas kohe. Ankesat tipike të kësaj sëmundje janë: ligështimi (dobësimi) në duar apo këmbë; dridhjet; artikulimi i paqartë dhe pengesa në shikim. Në raste të shpeshta këto ankesa kalojnë vetvetiu pas një kohe por edhe mund të mbesin.
Sipas NHS në Mbretërinë e Bashkuar, prek dy ose tre herë më shumë gratë sesa meshkujt, dhe zakonisht diagnostikohet nga mosha 20-30 vjeç.
Blair njihet për rolet e saj në filmat “Cruel Intentions,” “Legally Blonde” dhe “Hellboy”.
