Ai është një nga aktorët më të famshëm në Turqi dhe shumë i dashur edhe për publikun shqiptar. Kivanç Tatlitug dhe bashkëshortja e tij Basak Dizer janë një prej çifteve më të përfolur nga mediat turke dhe duket se simpati të madhe në publik ka fituar edhe Basak. Sipas raportimeve të mediave turke asaj i është ofruar të jetë imazh i një firme të njohur veshjesh, por është detyruar të mos e pranojë. Mesa duket aktori ka shfaqur xhelozi dhe nuk do që bashkëshortja e tij të ekspozohet, prandaj e ka detyruar Basak të mos pranojë ofertën tunduese. Basak dhe Kivanç kurorëzuan dashurinë e tyre rreth dy vite më parë me një dasëm madhështore.
