Ai ishte si një legjendë në SHBA. Pronar bordellosh, autor librash, i fiksuar pas politikës, por Dennis Hof ka ndërruar jetë teksa festonte ditëlindjen e tij të 72-të. Ai kishte thirrur për të festuar miqtë e tij më të mirë nga bota e politikës dhe erotikës në Las Vegas. Thuhet se këtë herë nuk kishte alkool dhe drogë në festë. Ai e la festën dhe bashkë me pornostarin e famshëm, Ron Jeremy shkoi në një nga bordellot e tij, të quajtur ‘Love Ranch South’.
“Dennis shkoi në suitën e tij me një nga vajzat e re të bordellos, me Dasha Dare. Pas 2 orësh, Dasha erdhi në bar dhe më tha se kishte bërë seks me të,” - tregon Jeremy që shton: “Në mëngjes ai nuk po dilte nga dhoma. Mendova se ishte në gjumë. U futa në dhomë dhe e gjeta të shtrirë në krevat. Nuk reagonte. Hoqa batanijen, ishte krejtësisht i zhveshur dhe pa ndjenja. Trupi i tij ishte i ftohtë. Ai kishte vdekur”.
Policia thotë se nuk ka gjurmë se vdekja ka ardhur nga faktorë të jashtëm. Shkaku i vdekjes nuk dihet ende me saktësi. Në të shkuarën, ai është akuzuar për trafik njerëzish dhe përdhunim.
