Për inagurimin e Urës së Ibrit në Mitrovicë, pritet të mbahet një ceremoni e veçantë, kulmi i së cilës do të jetë pjesëmarja e një këngëtare amerikane! Lajmi është bërë i ditur nga Ministri i Punëve të Jashtme Bexhet Pacolli, i cili përmes një postim në “Facebook”, zbulon se Ura e Ibrit do të pagëzohet me emrin e këngëtares amerikane, pa zbuluar ende identitetin e saj.
”Hapja do të bëhet me një ceremoni të veçantë, ku do të performoj edhe një këngëtare amerikane, emrin e së cilës do të propozojmë që ta mbaj Ura e Ibrit”, – shkruan Pacolli në “Facebook”.
Mirëpo burime për televizionin “Klan Kosova” kanë zbuluar se këngëtarja e cila pritet të performojë atë ditë është Shakira. Gjithsesi, ata theksojnë se ende nuk ka asgjë konkrete, pasi vetëm është propozuar si ide e mundshme.
Ura e Ibrit ndodhet në qendër të qytetit të Mitrovicës dhe bashkon pjesën urbane me Mitrovicën e vjetër.
