Erion Isai ka folur për herë të parë për marrëdhëniet me ish-kolegët pas largimit nga “Portokallia”.
I ftuar në emisionin ‘Pop Culture’ aktori u pyet se nëse ka pasur hatërmbetje mes tij dhe drejtueseve të ‘Top Channel’.
“Nuk ka hatërmbetje. ‘Top Channel’ ka qenë arsyeja që lashë qytetin tim për të jetuar në Tiranë. Kam mirënjohje të madhe për atë televizion, ‘Portokalli’-në dhe Altin Bashën”.
Megjithatë ai ka treguar se me regjisorin e ‘Portokalli’, Altin Bashën nuk ka komunikim.
“Shihemi dhe në rrugë dhe nuk përshëndetemi. Megjithatë kjo nuk ndryshon mirënjohjen time për të”.
Sa i përket eksperiencës së re në ‘Klan’, Isai është shprehur shumë i kënaqur që punon pranë Ardit Gjebreas, të cilin tha se e ka mik prej 11 vitesh.
