Drake u bë baba për herë të parë vitin e shkuar, teksa në jetë erdhi vogëlushi, Andonis. Por kjo ka qënë një periudhë tejet e vështirë për reperin, i cili nuk besonte se ai ishte djali i tij, për faktin se nëna e vogëlushit, Sophie Brussaux ishte aktore e filmave për të rritur.
Mirëpo siç duket, reperi është bindur se Andonis është djali i tij dhe e pranoi në albumin “Scorpion”, ku i dedikonte disa këngë. Në një intervistë për “HBO Series”, Drake la pas krahëve të gjitha deklaratat që kishte bërë më parë për nënën e të birit Sophie Brussaux dhe tregoi se për të ndjen vetëm dashuri. Drake ka reflektuar dhe mendon se një ditë, djali i tij do të shohë se ç’ka ndodhur dhe do të kërkojë sqarime prej tij.
“Jam shumë i emocionuar për vogëlushin, pasi dua të jem një baba i mirë. Jam në baba beqar që po përpiqem të komunikoj me një grua, me të cilën kemi kaluar disa gjëra. Unë dua që në të ardhmen t’i tregoj djalit tim se çfarë ndodhi. Dua që ai ta dojë nënën e tij dhe nuk dua që bota të jetë e zemëruar me nënën e tim biri. Pavarësisht se çfarë ndodhi, unë e dua shumë nënën e tim biri dhe dua që kjo energji, të mos ndryshojë kurrë” – tha reperi.
