Që në muajin gusht, reperi Gashi ka njoftuar bashkëpunimin muzikor me reperin shqiptar, Ledri Vula dhe ne ende presim! Reperi i hitit “Creep on Me” vendosi të ndajë me ndjekësit një minutë nga kënga “That’s Mine” dhe me siguri që do të jetë një super hit. E pasi performon nga makina pjesën e tij që është në gjuhën angleze, Gashi nuk lë pa interpretuar edhe strofën e Ledri Vulës, i cili i qëndron gjithmonë besnik gjuhës shqipe.
Duket se kënga nuk është pëlqyer vetëm nga fansat shqiptarë, pasi të shumtë janë ata që mezi presin publikimin e këngës “That’s Mine”.
Ky nuk është bashkëpunimi i parë i Gashit me një këngëtar shqiptar, pasi më herët ka bashkëpunuar me Adelina Ismailin.
