Meghan Markle dhe Princi Harry ishin ndër të ftuarit kryesorë në dasmën që u mbajt sot në Londër, ku Princesha Eugenie lidhi kurorë me Jack Brooksbank. Dhe fansat në “Twitter” janë të bindur se Dukesha e Sussex është në pritje të ëmbël dhe se lajmin po e mban vetëm për vete.
Meghan i kishte besuar veshjen “Givenchy-s” dhe mbante veshur një pallto në ngjyrë blu gjatë ceremonisë në Kishë. Mirëpo, fakti që ajo kishte lënë disa nga kopsat e palltos pa mbërthyer dhe se nuk e hoqi në asnjë moment gjatë ceremonisë, iu duk shumë e dyshimtë ndjekësve, të cilët kanë dalë në përfundimin se Meghan është shtatzënë.
“Duke gjykuar faktin se po mban pallton veshur gjatë ceremonisë, Meghan Markle ose është shtatzënë ose ka ethe” – tha njëri nga ndjekësit.
“100 % Meghan Markle është shtatzënë” – komentoi një tjetër.
“Veshja e Meghan Markle bërtet se ajo është shtatzënë dhe se po fsheh barkun e rrumbullakosur” – shkruan një fans në “Twitter”.
“Mendoj se Meghan është shtatzënë. Nuk e hoqi fare xhaketën gjatë dasmës. Nuk i pamë as fustanin” – mendonte një tjetër fans.
Meghan dhe Harry do të nisen shumë shpejt në një udhëtim, ku do të kalojnë 16 ditë rreth Australisë, Zelandës së Re, Mbretërisë së Tongës.
