Më shumë se sa Ramën, Xhafën apo Taulant Ballën, duket se video e publikuar mbrëmë në Opinion nga Salianji, ka prekur analistët Lorenc Vangjeli dhe Mustafa Nano.
Menjëherë pas videos të dy kanë reaguar duke dalë edhe nga etika gazetareske dhe njerëzore në studion televizive. Ata kanë shpërthyer në ironi dhe fyerje ndaj deputetit demokrat, i cili solli me një USB videon ku, sipas Salianjit, dëshmitarit të prokurorisë që mbronte Agron Xhafën po i bëhej presion nga drejtori policisë Ardi Veliu.
Sjellja e dy analistëve ka qenë mjaft e çuditshme pasi në vend që të kuptonin nëse dhe se si ishte manipuluar hetimi, Nano dhe Vangjeli janë marrë personalisht me deputetin Salianji me një fjalor të pazakontë për një debat publik.
“O koqe kandari po të përdorin, do shkosh në burg, o idiot!”- iu hakërrua Nano, Salianjit. Nga ana tjetër, Vangjeli përdori termat idiotësi, budallenj dhe mitomanë. “Është një idiotësi e madhe more. Rrituni!”- tha Lorenc Vangjeli.
Më shumë se sa video dhe ajo çka përmbante ajo, u duk se Vangjelin dhe Nano ishin më shumë të interesuar të merreshin me lajmësin dhe jo me faktet që paraqiti deputetit demokrat.
Video nga Opinion në TV Klan:
https://lapsi-al.wistia.com/medias/x679l6h181
