Edi Rama ka reaguar sërish për dosjen ‘Babalja’, duke ironizuar Lulzim Bashën, që e cilëson si 'artist'.
Kreu i qeverisë pohon se të vërtetën nuk e mbulon njeri, dhe shkruan se Basha është në hall.
“Po Artist po, këtë aktorin mund ta gënjenit dy herë, edhe kur e futët në rrugën e burgut me filmin, edhe kur i thatë jepi, shpif për Taulantin që të shpëtosh nga burgu! Po si i bëhet të vërtetës o Artist, të vërtetës që s’ka mbushës e analist kazani që e mbulon dot?E di, në hall je?”, shkruan Rama.
Një orë më parë kreu i Partisë Demokratike publikoi një video në Facebook, në të cilën shprehej se Rama krijoi grup të posaçëm për të mbrojtur familjen kriminale të Ministrit të Brendshëm Fatmir Xhafaj.
“Grupi i posaçëm që ka krijuar Edi Rama për të mbrojtur familjen kriminale Xhafaj, duke falsifikuar prova e dëshmitarë dhe sulmuar këdo që rrezikon kriminelët” - shkruante Basha.
