“Në ditën që unë dhe burri im Ike u takuam përpara gjykatës kur isha 39 vjeçe, isha gati të fitoja lirinë time!”- nis rrëfimin e saj Tina Turner në autobiografinë “My Love Story”, nga e cila “Daily Mail” ka zbuluar disa fragmente.
Nga dhuna dhe abuzimet prej Ike Turner, tek dashuria e vërtetë me burrin e saj të dytë Erwin Bach 16 vite më të ri se ajo, me të cilin u martua në vitin 2013. Ishte pikërisht Erwin ai që i ka dhuruar një veshkë për ta shpëtuar nga vdekja.Sipas rrëfimit, Ike me të cilin ishte e martuar nga viti 1962 deri në vitin 1978, e rrihte vazhdimisht deri në pikën që të mendonte për vetëvrasje. Me Anna Mae Bullock, emri i vërtetë i këngëtares, nuk i kishte mbetur pothuajse asgjë.“Kur po e lija gjykatën pas ndarjes kisha vetëm emrin tim të artit, Tina Turner dhe dy Jaguar-ë që më kishte lënë Ike. Nuk kisha idenë se si do të paguaja faturat, qiranë. Por unë kam ecur përpara me vullnet dhe jam sot këtu ku jam”. – thotë këngëtarja. Ajo ishte viktimë e një njeriu të pabesë, të varuar nga droga i cili e abuzonte atë fizikisht. Turner ishte shumë keq psikologjikisht dhe u përpoq të kryente vetëvrasje, por mbijetoi.
